رسالة من الشاعر والراوي نايف بن رشيد أبو زوايد الفريدي الحربي
إلىالأخ العزيز مبارك نهار الصرير الحربي "وفقه الله"...
إلىالأخ العزيز مبارك نهار الصرير الحربي "وفقه الله"...
ياكاتب اكتب مانقوله من القيل
حسب اعتقادي مايجي فيه ميلات
|
هات القلم والبوك واكتب تماثيل
وخلك فهيم وشاطر بنظم الابيات
|
ياصاحبي يطري لي على التعاليل
وأحيان يطري لي
مع البر سجات
|
روابعٍ ترتاد قلبي يا جا الليل
تلوج به مثل
الضوام المحيمات
في كنة الجوزاء قطيعٍ محاويل
والماء ضنين وصايرن فيه قفوات
وأسندت قافي يم ريف
المشاكيل
أبو هلا راع الدلال العذيات
مبارك اللي مدهلٍ للرياجيل
ابن الصرير المنتخي عند شرهات
مــن لابــةٍ تنطح وجيه المقابيل
تقوم بالواجب نهار الملاقات
قلته على ضرب المثل مثل ماقيل
ماأبي بها دنيا وتحسين حالات
من
عاش بالدنيا يشوف التهاويل
كم عاقل فيها على صبر واسكات
راح الجديد وكملن المحاصيل
وأظن مافي تالي العمر طربات
راحوا رجالٍ يتْعبون المعاميل
اللي لهم عند المظاهير وقفات
لاصاح صيّاح الضحى ياهلَ الخيل
لحقوا على قب المهار الأصيلات
كلٍ يبي من زود فعله تنافيل
ويستاهل الفنجال راع الجمالات
نطاح شينين الوجيه المغاليل
اللي لهم بتالي الجيش ردات
يبو بدر ياشوق زاه الخلاخيل
جنك بيوتي يالمزيني على آت
واقبل سلامي عد وبل الهماليل
والمعذرة كان إن بالقيل غلطات
تراي ما أجيد التماثيل بالحيل
الكامل الله والبشر فيه هفوات
|