يالجادل اللي مثل بطن العسيفي
ابو جديل فوق الأمتان مردوم
تليتني تلت ركاب النكيفي
تليتني تلت ركاب النكيفي
متنومسين بالكسيبه
من القوم
وشافوا لهم زول برأس المنيفي
وأرهو بملحاق الطلب معه لاهوم*
مقدم رياجيل لقاهم مخيفي
فارس وشيخ وعادته بأول القوم
لحقوا على اللي يلحق الرديفي
يبون فك أدباشهم مابها لوم
لحقوا بمسلوب وحد الرهيفي
وتقاسموا مطعومهن مابها علوم
من دون حلوات اللبن والعطيفي
كل حياته باعها بأرخص السوم
الله من قلب عيوف معيفي
لادك به هاجوس يصحى من النوم
ماجتني الدنيا على كيف كيفي
مابي بعض سيراتها مار ملزوم
وأخس ماتطري الرجال الحسيفي
والآدمي مابين معطى ومحروم
وليا انعوج خطو الهبود المجيفي
أصد عن كل العواجات واصوم
الحر يسكن بالشراف الطفيفي
وليا
شاف شئ يكرهه ابعد الحوم